曾經，這裡每年都會有一個以〝錯愛〞為題的小總結……
###
由記得最初的時候剛在新浪這邊開設部落格。每月，總會寫下數篇的文章。
是心態上的轉變？近年好像越來越寫不出些什麼出來。
情愛故事一向是奧寫作時候所喜歡的，不論是身邊發生的又或是聽回來的，其實題材至今也從未缺少過，只是奧總提不起興趣的寫下去。
太多，好像都有相類似的故事；
太多，都好像一直重覆的寫著……
###
遇爾回來這邊看看，重看奧自己所曾寫下過的文字。
錯愛、釋懷、感動、配額、心算、模仿、承諾、為了、狠心、籌碼、數值、廉價、火花、真實……
每個故事都包含著奧某個時候的回憶片段，到今天都好像變得零零碎碎。
有一些好像記著了，有一些，又好像忘記了。
堆疊積木似的回憶不斷在腦子裡拆掉、重新整合、然後再度飛開。
有發生過……
正好符合這裡的標題。
###
最後，感謝所有到訪過奧部落的朋友們。
也借此機會向大家說一聲新年快樂。
14年奧會繼續隨心而寫﹙笑﹚
Oku 奧
要練好EQ，機會，無處不在⋯⋯
話說今日無帶八逹通出街，係荃灣準備搭巴士銀包又得張一舊水，就走去買十蚊小食打散。
"阿姐，唔該要10蚊，兩紅腸兩蟹柳兩魚蛋"
感覺上，阿姐口到咕左句野算應左我，然後見阿姐開始拎起個夾開始夾兩件豆腐兩件青椒，再兩件矮瓜⋯⋯
我望一望，附近無人吖又日光日白天都未黑，就係同一時間阿姐望住我問要唔要豉油⋯⋯
我唯有再講："阿姐我係要兩紅腸兩蟹柳兩魚蛋，妳依到一件都唔中喎？"
之後阿姐好似好無奈講左句"係咩"同再咕左句我聽唔到嘅野，又再開始夾過。
難得今次中晒佢又再問我要唔要豉油，就係我講唔要完左個一瞬間，就見阿姐左手一支豉油右手一支辣油飛快咁啫左幾野⋯⋯
識我嘅人都知我唔食得辣，雖然我都知阿姐妳都唔識我，但係幾秒前妳都淨係問我要唔要豉油啫？
阿姐跟手就隊包野比我收錢，我跟手就講："阿姐我無話要辣油同唔要豉油喎！"
依次阿姐無講"係咩"，而係"咁你頭先唔講清楚D！"
之後，我無再同阿姐玩落去，因為我知道一個活係自己世界嘅人，我係無可能蠃到佢。
要練好EQ，機會，無處不在⋯⋯
